نشرت الحقوقية لبنى أحمد الجود تدوينة على حسابها بموقع التواصل الاجتماعي “فيسبوك”، جاءت على الشكل الآتي:
“خرج علينا المدعو ” إغناسيو سمبريرو ” و هو يستشيط غضبا ليخبرنا أن عبد اللطيف حموشي، المدير العام للمديرية العامة للأمن الوطني و المديرية العامة لمراقبة التراب الوطني، قد أخل بواجب التحفظ فيما يتعلق بأخذه صورا مع رئيسة الإستخبارات الإسبانية، و أنه عرف لم يتم خرقه قبل ذلك.
و هنا نقول له : الرجوع لله يا الأستاذ !!
هل تم تحنيطك لمدة طويلة أم أنك كنت في سبات عميق، أم أنك لا تساير الأحداث و التطورات!!
واش مفراسكش أن رؤساء المخابرات ولاو كيديرو مؤتمرات عالمية ؟
آيييه أ سيدي… و كيتلاقاو و كيتسالمو و كيتصورو و كيتكلمو و كيتباحثو…
لأن تعزيز الشراكات الأمنية خاصة في المواضيع المتعلقة بالإرهاب و الهجرة الغير شرعية هي مواضيع لم يعد حول أهميتها جدال !
و قد ولى عهد العميل 007، و التكتم و التعتيم و هادوك اللعيبات.
و لات القضية فيها الشفافية
و تم الإعتراف بوجود أجهزة استخباراتية
ومالك قديم مالك ؟ 
الأجهزة الإستخباراتية ولاو عندها مواقع إلكترونية
و لات دايرة صفحات على وسائل التواصل الاجتماعي
و كتتفاعل مع المواطنين
و كتدير أيام مفتوحة للعموم
و عندها ناطق رسمي
و عندها الحق تتواصل مع الرأي العام الوطني و الدولي بخصوص إنجازاتها الدبلوماسية تماما كالمسؤولين عن الديبلوماسية الخارجية!.
واش باقي عاقل أ سي إغناسيو على ما قبل سقوط جدار برلين و لا كيفاش ؟!
السيدة فرحانة و ضاربة تصويرة مع نظيرها المغربي و كيبتسمو بافتخار و اعتزاز … و أنت آش حرگ شطاتك بغيت نفهم أنا !!
واييه … عرفناك جراو عليك من خدمتك باش يصلحو العلاقات الدبلوماسية مع المغرب … إيوا غير باش تعرف شحال دغيا دغيا كيرميوكم دياولكم فلاكاص … الچوطابل يا أخي … و لكن حنا لا 
حنا مكنتخلاوش على المسؤولين دياولنا المجتهدين باش نديرو الخاطر لدول أو أشخاص !
حنا مكننحيوش رجال البلاد باش نجاملو الفرنسيس و لا الصبليون و لا اللي كان !
و بيناتنا … آش هاد المنطق البليد ؟
نحيدو الحموشي لأن الحموشي حاضي الشباك و مكيخليش البيوت يتماركاو علينا ؟!
نحيدو ال 9 باش نعاونوكم تغلبونا ! 
ياك هذا هو مربط الفرس ؟
ياك هادشي علاش كتدورو ؟
دبا تخيل معايا شي فرقة غادية عند المانشيستر سيتي و كتقول ليه : إلا بغيتونا منتقلقوش منكم حيدو هالوند باش متغلبوناش
ماشي هذا هو العبث؟!
و عن بيگاسوس …
البينة على من ادعى يا فتى
عمرني شفت شي واحد يتهم واحد آخر و يقول ليه سير قلب على البراءة ديالك !
ما هذا يا هذا ؟
و يكون هادشي بصح …
و الله حتى حنا واعرين و براڤو علينا !!!
المهم … أسفله صورة تعود لسنة 2016 ففرنسا
فكيفاش الحموشي ما مشاش لفرنسا من 2014؟ لوجيكمون باغلون ؟ 
بغيف …
حاسة بيكم و الله !
صعاب عليكم شي حقائق
و كبير عليكم شي لعب !
فهنيئا لنا بمخابراتنا …
و تبا لأعداء الوطن 
تعليقات الزوار ( 0 )