بالنسبة للناس لي كيكريو السيارة وكيحطو شيك ضمانة ! للتذكير داك الشيك ضمانة ماشي قانوني و لي شدو ارتكب جريمة عقوبتها السجن لكلا الطرفين (جنحة حيازة شيك على سبيل الضمانة)، لكن كيفاش تحمي راسك !!!
- أولا ضروري تسول مول الوكالة إينا نوع من التأمين داير واش “tous risques” ولا عادي، لا ماكانش “tous risques” حاول ما تكريش من عندو حيت غادي تولي في مشاكل أنت في غنا عنها..
- ثانيا متكريش السيارات الغالية ولا لي عاطية للعين أو جديدة لأنها ماشي في صالحك.. كيفاش ! حيت فاش غدير كسيدة غتنقام غالية فالإصلاح يعني نتا غتخلص كثر .
ختار وحدة على قد الحال أمارش باش حتى إلى طرات شي حاجة المصاريف غتكون أقل و غتخلص أقل.
“فاش كدير كسيدة مول كراء السيارات راه داير تأمين على الطموبيل إذن غتعوضو الشركة، لكن لا يعني أنك ماغتخلص والو ،لأن التأمين ماغيعوضوش ?فـ?، نتا غتخلص واحد الفرق لي هو 10% أو 5% لي باقي كتسما “Franchise “،باش مول الوكالة يرجع لو رزقو كامل لي خسر عليها باش تصايبات مايمكنش يتعوض بـ 90% مثلا و 10% يخلصها من جيبو لأنه كراها ليك و نتا لي درتي كسيدة.
دابا موالين وكالات كراء السيارات آش كيديرو !
كاين فيهم نصابة ولقاو لي ما عارفش القانون و كينصب عليك، مثلا الخسائر كاملة 4 ديال المليون، كتعوضو شركة التأمين بـ 3 ديال المليون (سقف التعويض) و كيقولك تانتا خلص ليا 3 ديال المليون تعويض.. وهكا كيصدق ضارب 6 ديال المليون و الخسائر أصلا كلها قيمتها غير 4 ديال المليون.. صدق مصاوب طموبيلتو كيما كانت و ربح 2 دالمليون من الفوق (نصب).
ولا مبغيتيش تخلصهالو كيكتب فالشيك لي عندو خاوي 3 ديال المليون و كيدير فيه التاريخ و نتا ديجا سانيه و كيدفعو للبنكة، في حالة كان عندك الرصيد كيتقطع ليك، ماكانش كتقيد عليك إصدار شيك بدون رصيد و تمشي للمحكمة و كتحكم عليك بالحبس زائد غرامة وخا دبر على الفلوس وتخلص مول الشيك باش تعتق راسك زعما، لكن غدوز الحبس و تخلص الغرامة، لأنك درتي جريمة ثابتة فحقك وهي إصدار شيك بدون رصيد، عاد خلص خونا ولا كاع ماتخصلو لأنه ماكيبقاش عندك موشكيل معاه، كيولي مع المخزن.”
دابا نرجعو للقالب ديال التاريخ فالشيك..
التاريخ فالشيك ولا درتيه نهار عطيتيه ليه، و بقا يستفزك بيه لأنه غالبا ماكيدفعوش حيت لا دفعو نتا غدوز الحبس و تخلص غرامة للمحكمة و هو ما يربح والو معاك..
من جهة أخرى، ديما خصك تعرف شركة التأمين واش عوضت مول الوكالة ولا لا و شحال عوضاتو باش نتا تخلص غا الفرق لي غيكون قليل لي هو 10 % من الخسائر، وكاين شي خسائر نتا ماخصكش تخلصها، أصلا علاش داير التأمين، وفي حالات مثلا كنتي سكران أو حرقتي الضوء الأحمر و درتي كسيدة راه نتا عندك فيها المسؤولية إذن خصك تخلص 10 %.
ومتنساش ! الخسائر كيقيمها خبير ماشي ميكانيسان عندو كراج هو لي كيديك عندو حيت عشيرو، بان ليك داكشي مبالغ فيه قلو نجيبو خبير.
درت كسيدة مرحبا شحال ديال الخسائر، شحال عوضاتك شركة التأمين، شحال جا فحقي نعطيهلك و نبينا عليه السلام..
لا قريتي هادشي راه عمرك تقولب وعمر ينصب عليك شي واحد? يالاه نوض على سلامتك
تحياتي الخالصة و شكرا على المعلومات القيمة نتا واعر و صعيب
تحياتي الخالصة و شكرا على المعلومات القيمة نتا واعر و صعيب
Kifach ghatkhlsshom ila ma3titich chèque ??? Cash ?
صاحب المقال أو من كتب هذا التوضيح تنسى أو تجاهل ان معظم سيارات الكراء تكون عبر عملية شراء بالقروض. نرجع في حالة الحادثة اذا كان لدى الوكالة تأمين شامل فان الزبون مطالب بأداء فرانشيس مثلا 10%. هذا ما يقوله الكاتب. مزيان لكن في الحقيقة يمكن ذلك اذا كانت سيارة لازالت جديدة و لم يمر عليها 6 اشهر. اما اذا كانت اكثر فالخبير تامين ينقص من قمة التعويض التالي. فرانشيس. اقدمية سيارة من ناحية قطع الغيار 5/10% أو هيكل ثم 20%tva تصل احيانا مجموع ما ينقص 35% 40%. زيادة على ذلك تكون على سيارة اقساط شهرية يجب ادائها للبنك. فلا يهمه البنك ان سيارة بها حادث و لا تعمل و من كان سبب. فتوقف السيارة للاصلاح قد يكون بالاسابيع و بشهور و هذا سوف يأثر على سير الوكالة اذا عجزت عن اداء الاقساط شهري ولم تاديه في وقته. سوف ياثر جدريا في عمر وكالة و نشاطها. فالبنك لن يمنح الوكالة قرض في مرة القادمة و هذا يعني نهاية المشروع و الافلاس. و كل هذا سببه الحادث و ان سيارة وقفت عن توفير المال الكافي للاقساط. في نفس الوقت الوكالة تريد المال للاصلاح و الذي يكون ضحم فهل يجمع المال ليؤدي اقساط او الاصلاح. لماذا لا يقول صاحب المقال. الزبون يتكلف باصلاح السيارة و يأدي ثمن الاصلاح والوكالة تخلص فرانشيس و الزبون ياخد ماله عندما يعوض تامين. لانه بكل صدق اغلبية الوكالات لن يتوفر على مبلغ الاصلاح هذا من جهة. من جهة اخرى بعض الحوادث لا يمكن اصلاح سيارة لانه لا يمكن اصلاحها فتامين في هذه الحالة عليه بيع السيارة حتى يعوض صاحب الوكالة. هذا الاجراء معروف ب اسم ريفورم تيكنيك او اكونوميك. تامين لا يقدر بيعها لان البنك يملكها و يجب اداء الاقساط أولا كلها حتى يتمكن من البيع. فمن اين ياتي صاحب الوكالة بمجموعة اقساط في مرة واحدة ليعطيها للبنك و التي غالبا ماتكون اكثر من 5 مليون او اكتر بعد سنة الاولى. كل هذا يهدد سير و عمر الوكالات . زيد على ذلك المصاريف الاخرى ناتجة على وقوف سيارة التى تتقل كاهل صاحب الوكال و دار الضرائب التي لايهمها ايضا وقوف سيارة لاننا في اخير تحسب ان سيارة في وكالة خدامة و زيد على ذلك فمن صواب للكاتب ان يرى المشكل ايضا من منظور صاحب الوكالة من اجل ان يكون المقال نزيه و مفيد للجميع
?? جوابا على مقال صاحبنا الا بغيتي تكري طونوبيل?? لي كتب موضوع جيد رغم انه ناقص في المعلومات و فيه مغالطات. كاينا مجموعة من النقاط لي نسيتيها او انك مفهمتيهاش كيف خاصها تفهم قانونيا.
عندق الحق ملي تكلمتي على ناس اصحاب وكالات نصابة سامحهم الله كيف كينين بزاف ديال الشمايت كيكريو السيارات باش يديرو المشاكل…
المهم هو ان كل زبون بغا يكري سيارة قانونيا خاصو:
بطاقة وطنية او جواز سفر لغير المغاربة
رخصة سياقة سارية المفعول
الضمان التأميني caution لي هي موضوعنا
مع العلم ان صاحب الوكالة عندو الحق في رفض الزبون تماشيا مع مدونة التجارة
كيف ما قلتي الكليان خاصو اول ما يوصل عند الوكالة اسول على نوع التأمين واش العادي ولا tous risque الا كان عادي فحالة حادثة الزبون كيتحمل كل الخسائر اما الا كان tous risques فالزبون فهاد الحالة خاصو يخلص القسط الادنى لي هوا franchise هنا خاصنا نميزو بين فرونشيز ديال التأمين و الفرونشيز ديال الوكالة فحد داتها
فرونشيز التأمين كيختلف من 5% الى 20% من قيمة السيارة جديدة يعني سيارة 10 مليون واخا مكايناش فرونشيز التأمين ديالها هو مليون واخا تكون اتقاد ب 3 مليون و لكن المقادا ديال السيارة و التسديد ديال التأمين مع العلم ان الخبير ضروري مينقص ليك من الدوفي و الوقت لي السيارة فيه گالسا مخداماش هاد شي كولو شكون ايخلصو لداك القرد مسكين؟؟؟
هنا جات فكرة فرونشيز الوكالة و لي هي فكرة اوروبية كيشتغلو بها الاجانب و لي حددات قيمة القرونشيز تقريبا ف % 20 من ثمن السيارة جديدة يعني كليو 4 خاصك تحط ما بين 2 و 3 مليون ضمان هادشي لي كنقول راه قانونيا وخا توصل عليه المحكمة
هنا كنوصلو لمسألة الشيك….
الشيك قانونيا هو وسيلة آداء و ليس ضمان و يعاقب كل من اعطى و من اخذ شيك على سبيل الضمان… السؤال المطروح هو كيفاش خاص الوكالة تاخد الضمانة ؟
هناك 2 الوسائل. الاولى هي البلوكاج بالبطاقة البنكية فيزا او ماستر كارت محلية او دولية يعني خاص داك المبلغ يكون عندك في البنك و فهاد الحالة يدخل البنك ديالك كضامن لفلوسك و ايضا ضامن لفلوس الوكالك لقدر الله كان مشكل و الوسيلة الثانية هي الفلوس كاش ويقيدها ليك فالكونطرا مع الطابع ديال الوكالة. مسألة الشيك جات بعد ما اتضح ان اغلب الناس لي كيكريو السيارات هما انواع
النوع الاول عندو الفلوس و مابغاش يشري سيارة لانه ممحتاجهاش او انه باع سيارتو و كيتسنا يشري
النوع الثاني هو الشركات و الي من الاحسن كيكريو باش يتهناو من الصيانة
النوع الثالث هو السياح و المغاربة المقيمين بالخارج
و النوع الرابع هو لي معندوش باش يشري سيارة و كيبغي يبان مرا مرا و هو اللي غالبا مكيوقعو معاه المشاكل
لهذا باش الوكالات ميحرموش النوع الرابع من كراء السيارة و يعيش اللحضة جابو فكرة الشيك لحل ازمة السيولة.
المهم لي خاص الناس تفهم انك ملي تمشي لاي وكالة متبقاش تسول على الموضيل و اللون و واش ايصانص ولا مازوط سول على المهم لي هو نوع التأمين و مبلغ الفرونشيز في حالة حادثة و حتى الا عطيتي الشيك عمرو دير فيه المبلغ هو المهم. و الاهم من هذا كلو عرف معامن كتعامل واش وكالة اي صاحب الوكالة مباشرة او احد الاعوان ديالو ر راهوم معروفين فالسوق او لنك كتعامل مع مجهول فالقهوة (مع العلم ان الوسطاء معروفين كذلك حتى الا تعاملتي معاه ماشي مشكل المهم انه يكون معروف ماشي تلاقيتو فالفايسبوك اولا افيتو و عاطيه شيك ديالك)
حتى الا كان عندك مشكل يمكنك الاتصال بجمعية ديال وكالات الكراء هما يفيدوك
رسالة الوكالات المراكشية
السلام عليكم الاخوان
أنا كريت سيارت عند وكالة،فوقعة بحادث، فأجبرني صاحب الوكالة بأن أدفع ثمن جميع الخسائر + المدة التي لن تعمل فيه السيارة ، أرجوكم أفيدوني 0608100658
خويا انا درت كسيد هربت بيا السيارة ولكن الحمد لله ماوقع والو غير كارتيرت زيت و حوج رويض الامنيوم مهم قادت ليه ب ديبنج و كلاشي شي 3000dh و دازت عليه شي شهرين و نص و داب قال لي مخدمش و مكدمريش و انا شتو غادي به حوج مرات و قال ليا بلي غادي نزيدو باقي فلوس و فاش صونيت ليه نهار كسيدا قال ليا غير صوب نقسم معك انا صوبت و مقسمش معيا و داب باقي با هو دير تامين كولشي شنو معمول
كريت السيارة لكن مول الوكالة مديرش تأمين tou ricque
وقعت حادث السيارة بها أضرار خطيرة الذي أكترى لي ليس هو صاحبها هو فقط يعمل في أحد الوكالات إتصلت به على أساس أريد السيارة أتا بها من وكالة أخرى السؤال قال علي أن أتحمل كل أضرار الإصلاح هذا منطقي
سلام عليكم بغيت نسول واحد سوال لكنني كاري بلا شيك وبلا ضمانة وعملية حادت ما هو العمل في عدة الخال