فالوقت لي وزارة الصحة دايرة حالة استنفار فالمصالح الطبية فالدار البيضاء وعلى رأسها حملة تحسيسية على مرض السل المتنقل لي داير حالة فالمستشفيات البيضاوية نتيجة استهلاك الحليب ولحم البقر السري وغير الخاضع للمراقبة الصحية، تيخرج النصاب هشام جيراندو باش يعاون وزارة الصحة “مشكورا” . غير هو بلاصة ما يدوي على هاد “السل المتنقل” دوا على جائحة أكثر فتكا بعباد الله وهو “السم المتنقل”*.
جيراندو قال أن واحد العشاب مغربي ملقب ب ” “عبدون ماسك” (على وزن إلون ماسك) دار تكوين عند الشاباك والموساد وcia و gestapo وkgb و المباحث العامة والمباحث الخاصة، دخل مؤخرا للمغرب باش يصفيها للمعارضين. هاد العشاب هاز معاه واحد valise فيها واحد السم سميتو poison” d’avril” كيرشو على المعارض لي كيموت sur place.
المخابرات المغربية هي لي كتشري لهاد العشاب المواد “المحظورة” عالميا والضرورية لصناعة هذا السم المتنقل (حنضل- زريعة الكتان- سانوج- الكوزة..) والمخابرات هي لي كتعطيه أسماء المعارضين المستهدفين. الله يرحم الوالدين لي شاف هاد “عشاب killer” لي طويل (مترو و 33 تقريبا) وحول من عينيه و عندو ودن وحدة وشعرو رطب قصير وقرع لي شافو كيضور حدا الدار أو الخدمة ديال شي معارض يسيفط هاد المعلومات لولد بنت خو عم المدام ديالي هو لي غادي ينشرهوم باش نسيفط حتى هادو بوهوم للحبس. أنا راني حاصل فواحد الجزيرة تالفا بيا الوقت وحتى ريزو ماكيشد فيها حيت تجمعو فيها غير النصابة و المخلوضين والهاربين من العدالة. تحياتي.
تعليقات الزوار ( 0 )