غادي تشوف هاد الثلاثة مصافين، كيبانوا ليك متمكنين ياك ؟
علامات الحزم و عمق التفكير… علامات الجدية و الوقار …
غادي تصنت ليهم غادي تقول : واااااااااو
شوف الناس كيفاش كيحللوا و الرؤية الثاقبة و النظرية الإستنتاجية الأفقية و العمودية … يا سللاااااام !!
شوف المثقفين المغاربة
النخبة المعارضة !!
خاصنا نفتاخرو بهاد الناس و نعطيوهم قيمتهم الحقيقة و يدخلوا للمؤسسات و يكونوا صانعي قرار نستافدو من العلم ديالهم !
شوف كيعطيو الدروس للمؤسسة الأمنية و كيصححوا ليها !
قالك غلطوا و تراجعوا !!
قالك : شدوا هاداك الإنتحاري الإحتياطي و حكموا عليه و من بعد تم إطلاق سراحه … و ماااالكم على هاد الشوهة … تحرااااااو أ صاحبي قبل ما تديرو بحال هاد الأخطاء الكبيرة !! و ا موشكييييلة هادي !!
المهم …
بوبكر … صحيبي ..
هذاك بنادم اللي كتتكلم عليه و اللي كان غادي يفجر راسو فأحداث الدار البيضاء بتاريخ 16 ماي 2003 ، و سميتو محمد العماري ، و اللي تحكم بتاريخ 19 غشت 2003 بأقصى العقوبة …. باقي مشدود …
أقول … هل تسمع ؟
باقي مشدود
أعيد … هل تسمع ؟
باقي مشدود
عنداااااااك تتحرج و لا توقع فيك شي حاجة
عنداااااك تحس براسك تزيرتي و وليتي آخر مسخرة
راك فوجتي علينا و ضحكنا من الأعماق مع هاد الصباح 
يا الله … جمعو دفاتركم
ما تنساوش ستيلوياتكم
انتهى درس اليوم
تعليقات الزوار ( 0 )