الجلسة الافتتاحية للمؤتمر الوطني الثامن عشر لحزب الاستقلال، ببوزنيقة، بدات بحضور رئيس الحكومة وزعماء احزاب وقيادات سياسية.
التفاصيل الصغيرة فهاد المؤتمر كتبان فالكواليس، حضور قوي لتيار الصحراء تنظيميا ولوجستيكيا وحتى امنيا (تأمين المؤتمر من مناوشات تيار فاس).
تيار حاكم لازون ديال المؤتمر، واجد لجميع السيناريوهات، وهنا كيبان مرة اخرى بلي هاد التيار هو لي شاد الحزب وقاد به وداير مؤتمر فيه اللمسة ديالو.
باقي التيارات بانت ضعيفة بزاف اليوم، خصوصا تيار سوس بقيادة عبد الصمد قيوح، هاد الفلاح الكبير للي باقي مبغاش يحشم وباقي كيجمع فالمناصب ويتحكم فيها بجهة سوس ودبا تخشا فمكتب مجلس النواب وقصا اطر حزب الاستقلال.
بحال قيوح فسوس والانصاري فجهة مكناس ومضيان فالريف، خصهم يحطو سوارت ويخليو كفاءات جديدة تجي بلاصتهم ويتعلمو من تيار الصحراء لي فتح الباب لشباب اخرين يدخلو للمناصب.
وفي خضم المؤتمر ظهرات رفيعة المنصوري لي كانت كتعيش وضع نفسي متأزم، حيث أنها لم تتقبل حجم التشويه الذي تضمنه التسجيل الصوتي لمضيان والذي تسرب إلى أغلب أعضاء الحزب، بل إنه وصل إلى أشخاص كثيرين خارج الحزب، ظهرات فالمؤتمر والكل يقف لها للسلام عليها والتقاط صور معها، وقد دونت في صفحتها الفايسبوكية “حضوري للجلسة الافتتاحية للمؤتمر العام 18 لحزب الإستقلال في استهلال لمستقبل كله طموح و أمل في غذ مشرق و زاهر”.